ലണ്ടനിലെ 'സതക്' അതിരൂപതയിൽ വിവിധ ശുശ്രൂഷകളിൽ സജീവമായ ജോയ്‌സിന്റെ സേവനം പെട്ടെന്ന് ശ്രദ്ധിക്കപ്പെട്ടു. മതാധ്യാപകനായിരുന്ന അദ്ദേഹം പിന്നീട് മതാധ്യാപക പരിശീലകനും വചനപ്രഘോഷകനുമായി അറിയപ്പെട്ടു. വയോവൃദ്ധരായശേഷം ക്രൈസ്തവ വിശ്വാസത്തിലേക്ക് വരുന്നവരെ ഒരുക്കുവാനും അവർക്കുവേണ്ട ശുശ്രൂഷ ചെയ്യുവാനും അദ്ദേഹം നിയോഗിക്കപ്പെട്ടു. സാമൂഹ്യ ജീവകാരുണ്യ മേഖലയിലും അദ്ദേഹത്തിന്റെ പ്രവർത്തനങ്ങൾ സജീവമായിരുന്നു.സീറോ മലബാർ സഭയുടെ പ്രവാസികാര്യ കമ്മീഷനുമായി സഹകരിച്ച് ലണ്ടനിലെ വിവിധ ശുശ്രൂഷകളിൽ സഹകരിക്കുവാനും അല്മായ പ്രസ്ഥാനങ്ങളെ സംഘടിപ്പിക്കുവാനും അദ്ദേഹത്തിന് സാധിച്ചു. വൈദികർക്ക് വിശ്വസ്തനായ സഹായിയും മിഷൻമേഖലകളിൽ വഴികാട്ടിയുമായിരുന്നു നാലു മക്കളുടെ പിതാവായ ഈ മുപ്പത്തിയെട്ടുകാരൻ. ചെറുപ്പത്തിലെ ദൈവവിളിക്കുവേണ്ടി പ്രാർത്ഥിക്കുകയും സഭയെ സ്‌നേഹിക്കുകയും ചെയ്ത തനിക്ക് സ്ഥിരം ഡീക്കനായി പ്രവർത്തിക്കാൻ ആഗ്രഹമുണ്ടെന്ന് ഭാര്യ ജിബിയോടാണ് ആദ്യം പറഞ്ഞു.ആദ്യം അമ്പരന്നുവെങ്കിലും പിന്നീട് അദ്ദേഹത്തിന്റെ തീക്ഷ്ണതയും സഭാസ്‌നേഹവും മനസിലാക്കിയപ്പോൾ അന്ന് മൂന്ന് മക്കളുടെ മാതാവായ ജിബി സമ്മതം നൽകി. പിന്നീട് ഈ ആഗ്രഹം മാർ സെബാസ്റ്റ്യൻ വടക്കേലുമായി ചർച്ച ചെയ്തു. എന്നാൽ കർദിനാൾ മാർ ജോർജ് ആലഞ്ചേരി പിതാവുമൊത്ത് കാറിൽ യാത്ര ചെയ്തപ്പോഴാണ് വ്യക്തമായ തീരുമാനം എടുത്തത്. നേരത്തെതന്നെ ചെറുപ്പക്കാരനും കുടുംബനാഥനുമായ ജോയ്‌സിന്റെ പ്രവർത്തനങ്ങളെക്കുറിച്ച് വടക്കേൽ പിതാവിൽനിന്നും വൈദികരിൽനിന്നും കർദിനാൾ മാർ ആലഞ്ചേരി അറിഞ്ഞിരുന്നു. അദേഹത്തിന്റെ നിർദേശപ്രകാരമാണ് മാർ സെബാസ്റ്റ്യൻ വടക്കേലുമായി ആലോചിച്ച് സെമിനാരിയിൽ ചേരുന്നത്.
ഉജ്ജൈയിനിലെയും ലണ്ടനിലെയും അഞ്ചു വർഷത്തെ പഠനത്തിനുശേഷമാണ് പെർമനന്റ് ഡീക്കനായി നിയോഗിക്കപ്പെട്ടത്. "ദൈവം വിളിച്ചു. കുടുംബജീവിതത്തിലൂടെ നല്ല ഭാര്യയെയും നാലു മക്കളെയും കർത്താവ് തന്ന് അനുഗ്രഹിച്ചു. കുടുംബജീവിതത്തോടൊപ്പം സഭയോടൊപ്പം പ്രവർത്തിച്ചു. ഇനി ഔദ്യോഗികമായി കൂടുതൽ സമയം പ്രവർത്തിക്കാൻ സമയവും സാഹചര്യവും കണ്ടെത്തും. പ്രഥമ പരിഗണന സഭാസേവനത്തിന്. പിന്നെ കുടുംബം."ഈശോയ്ക്കുവേണ്ടി ജീവിക്കുവാൻ, വചനം പ്രഘോഷിക്കുവാൻ, സാക്ഷ്യജീവിതം നയിക്കാൻ നമുക്കെല്ലാം ബാധ്യത ഉണ്ട്. സഭയുടെ ഔദ്യോഗിക അംഗീകാരം എനിക്ക് ലഭിച്ചതിൽ സന്തോഷമുണ്ട്."Copyright © 2017 - All Rights Reserved to the Eparchy of Kothamangalam
Powered by SMCIM
