അതീവ വേദനാജനകമായ കാൻസർ രോഗത്തിന്റെ നടുവിലും നിരാശയ്ക്കടിമപ്പെടാതെ സന്തോഷത്തിലും പ്രാർത്ഥനയിലുമായിരുന്നു സിസ്റ്റർ സിസിലിയ. അവളുടെ മുഖത്ത് എപ്പോഴും പുഞ്ചിരി നിറഞ്ഞുനിന്നു. അവസാന നിമിഷങ്ങളിൽ സിസ്റ്ററെ സന്ദർശിച്ചവർക്ക് ആ മുഖത്തെ ശാന്തതയും സന്തോഷവും അത്ഭുതമാണുളവാക്കിയത്. തന്റെ ജീവിതത്തെ പൂർണമായും സമർപ്പിച്ച മണവാളനുമായുള്ള കണ്ടുമുട്ടൽ യാഥാർത്ഥ്യമായതുപോലെയായിരുന്നു അവളുടെ മുഖഭാവങ്ങൾ, മുഖത്തെ സന്തോഷം.മരണത്തിനുമുമ്പ് സിസ്റ്റർ സിസിലി എഴുതി: "ഞാൻ വളരെ സംതൃപ്തയാണ്. ദൈവത്തിന്റെ സഹനങ്ങളിലൂടെയുള്ള പ്രവൃത്തികളും എനിക്കുവേണ്ടി പ്രാർത്ഥിക്കുന്ന അനേകരെയും കണ്ട് ഞാൻ അത്ഭുതപ്പെടുകയാണ്." ഫ്രാൻസിസ് മാർപാപ്പ പോലും അവൾക്ക് പ്രാർത്ഥനാശംസകൾ അയച്ചിരുന്നു.
സിസ്റ്റർ മരണത്തിന് മുമ്പ് തന്റെ സഹസന്യാസികളോട് ഇപ്രകാരം ആവശ്യപ്പെട്ടിരുന്നു: "അവളുടെ മരിച്ചടക്കിന്റെ സമയത്ത് പ്രാർത്ഥന ചൊല്ലുന്നതിനുപുറമേ സ്‌തോത്രഗീതങ്ങൾ അർപ്പിച്ച് സന്തോഷിക്കണമെന്ന്. മണവാട്ടി മണവാളനെ കണ്ടുമുട്ടുന്ന ആ സന്തോഷത്തെ ഓർത്ത്."
Copyright © 2017 - All Rights Reserved to the Eparchy of Kothamangalam
Powered by SMCIM
