News >> വൈദികഗണം ദൈവസ്നേഹം പകര്‍ന്നുനല്കി ജനങ്ങളോടൊപ്പം നടക്കേണ്ടവര്‍
വൈദികഗണം മുമ്പേനിന്ന് നയിക്കേണ്ടവര്‍ മാത്രമല്ല, ദൈവസ്നേഹം പകര്‍ന്നുനല്കി ജനങ്ങളോടൊപ്പം നടക്കേണ്ടവര്‍ എന്ന് പാപ്പാ ഫ്രാന്‍സിസ് പറയുന്നു.ഷെന്‍സ്റ്റാറ്റ് എന്ന പേരിലുള്ള കത്തോലിക്കാ അപ്പസ്തോലിക മൂവ്മെന്‍റിന്‍റെ ജനറല്‍ ചാപ്റ്ററില്‍ പങ്കെടുത്തവരായ വൈദികര്‍ക്ക് സെപ്റ്റംബര്‍ 3-ാം തിയതി അനുവദിച്ച കൂടിക്കാഴ്ചയിലാണ് പാപ്പാ ഇപ്രകാരം ഉദ്ബോധിപ്പിച്ചത്.പാവപ്പെട്ടവരെ വളര്‍ത്തിക്കൊണ്ടുവരുന്നതിന്, ക്രിസ്തുവിന്‍റേതുപോലെ ശക്തമായ ചുമലുകള്‍ വൈദികര്‍ക്കുണ്ടാകാന്‍ പ്രാര്‍ത്ഥിക്കുന്നുവെന്നും അതുവഴി പ്രത്യാശ നഷ്ടപ്പെട്ടവര്‍ക്ക് ഊര്‍ജ്ജം പകരുവാനും, ഒരു ജീവിതമാര്‍ഗ്ഗം എന്നതിലുപരി കൂടുതല്‍ സേവനമനോഭാവത്തോടെ പൗരോഹിത്യത്തെ കാണാനും പ്രത്യേകം ദൈവകൃപ യാചിക്കുന്നുവെന്നും ഈ വൈദികസംഘത്തോട് പാപ്പാ പറഞ്ഞു.Source: Vatican Radio
