News >> ഫാദര്‍ മാത്യു വട്ടമറ്റം: ക്ലരീഷ്യന്‍സഭയുടെ പുതിയ സുപീരിയര്‍ ജനറല്‍
സുവിശേഷവല്ക്കരിക്കുവാനായി വിളിക്കപ്പെട്ടിരിക്കുന്നു എന്ന പ്രധാന പ്രമേയത്തോടെ റോമില്‍ സമ്മേളിച്ചിരിക്കുന്ന 15-ാമതു ജെനറല്‍ ചാപ്റ്ററില്‍വച്ച് സെപ്ററംബര്‍ 5-നാണ് ഈ തിരഞ്ഞെടുപ്പു നടന്നത്. രണ്ടാം തവണയും ജെനറല്‍ കൗണ്‍സിലര്‍ ആയിരിക്കവെയാണ് ഈ തിരഞ്ഞെടുപ്പ്.
1959 മെയ് 30-ന് കേരളത്തിലെ കളത്തൂര്‍ എന്ന സ്ഥലത്താണ് അദ്ദേഹം ജനിച്ചത്. 1986-ല്‍ വൈദികപട്ടം സ്വീകരിച്ച അദ്ദേഹം പ്രധാനമായും വൈദികവിദ്യാര്‍ത്ഥികളുടെ പരിശീലനകാര്യങ്ങളില്‍ കൂടുതല്‍ വ്യാപൃതനായിരുന്നു. ദൈവവിളി സംബന്ധിച്ച കാര്യങ്ങളുടെ രക്ഷാധികാരി, ബാഗ്ലൂരിലെ ധ്യാനമന്ദിരത്തിന്‍റെ ഡയറക്ടര്‍, നോവിസ് മാസ്റ്റര്‍, ജെനറല്‍ കൗണ്‍സിലര്‍, എന്നീ നിലകളിലും ഫാദര്‍ മാത്യുവിന്‍റെ സേവനം സ്തുത്യര്‍ഹമാണ്.Source: Vatican Radio
