മറ്റുള്ളവരുടെ കുരിശുകൾ സ്വയം ഏറ്റെടുത്തുകൊണ്ട് അവൾ ദൈവത്തിന് സ്വയം അർപ്പിച്ചു. ഒരിക്കൽ മക്കളിലൊരാൾ അവളോട് പറഞ്ഞു. അമ്മ ഇങ്ങനെ മറ്റുള്ളവരുടെ സഹനങ്ങൾ ഏറ്റുവാങ്ങി സ്വയം ത്യജിക്കുന്നതെന്തിനാണ്? അവൾ പറഞ്ഞു. "മകളേ, അതാണ് എന്റെ മിഷൻ."ഈ മകൾ അമ്മയെക്കുറിച്ച് എഴുതിയിരിക്കുന്നത് ഇങ്ങനെയാണ്. "അമ്മ ഒന്നും വാരിക്കൂട്ടിയില്ല, എല്ലാം കൊടുക്കുകയായിരുന്നുവെന്നാണ്." മരിയയുടെ കുടുംബത്തിൽ നിറഞ്ഞ സ്‌നേഹം അനേകരുടെ കുടുംബജീവിതത്തിന്റെ താളം വീണ്ടെടുത്തു. ഫാ. പാദ്രെ പിയോ ആയിരുന്നു ആധ്യാത്മികനിയന്താവ്. എല്ലാ മതത്തിലും പെട്ടവരെ അവൾ സ്വാഗതം ചെയ്തു. ആത്മാക്കളെ മനസ്സിലാക്കുവാനുള്ള കഴിവ്, പഞ്ചക്ഷതങ്ങൾ, ബൈ ലൊക്കേഷൻ തുടങ്ങിയ കഴിവുകൾ അവൾക്ക് ദൈവം നല്കിയിരുന്നു. മാതാവിന്റെ ദർശനം ആദ്യമായി ലഭിച്ചത് 1976 ലായിരുന്നു. 108 പേർ അവളോടൊപ്പം അന്ന് മാതാവിനെ ദർശിച്ചു. മാതാവിന്റെ സന്ദേശത്തിന്റെ കേന്ദ്രബിന്ദു ക്രൈസ്തവ സ്‌നേഹം പരിശീലിക്കുക എന്നായിരുന്നു. അതും കുടുംബത്തിൽ ആരംഭിച്ച് മറ്റുളളവരിലേയ്ക്ക് പകരുക. പ്രാർത്ഥന, ദൈവവചനം, പ്രായശ്ചിത്തം, ദിവ്യകാരുണ്യം എന്നിവയാണ് ജീവിതത്തിന്റെ നാലുതൂണുകൾ എന്നതാണ് മരിയയുടെ ഉപദേശം. 1987 ലാണ് വത്തിക്കാൻ മരിയയ്ക്കുണ്ടായ പ്രത്യക്ഷീകരണങ്ങളെ അംഗീകരിച്ചത്.Source: Sunday Shalom
Copyright © 2017 - All Rights Reserved to the Eparchy of Kothamangalam
Powered by SMCIM
