News >> ക്രൂശിതനായ യേശുവിനെ പോലെ സ്വയം താഴ്ത്തുക- പാപ്പാ
ക്രിസ്തീയജീവിത സരണിയില്‍ മുന്നേറണമെങ്കില്‍ ക്രൂശിതനായ യേശുവിനെ പോലെ സ്വയം താഴ്ത്തണമെന്ന് മാര്‍പ്പാപ്പാ ഉദ്ബോധിപ്പിക്കുന്നു. കുരിശിന്‍റെ പുകഴ്ചയുടെ തിരുന്നാള്‍ ദിനത്തില്‍(14/09/15) സുവിശേഷചിന്തകള്‍ പങ്കുവയ്ക്കുകയായിരുന്നു ഫ്രാന്‍സിസ് പാപ്പാ. പാപത്തിനുള്ള ശിക്ഷയില്‍നിന്ന് തങ്ങളെ മോചിക്കുന്നതിന് ജനങ്ങള്‍ അപേക്ഷിച്ചപ്പോള്‍ ഒരു പിച്ചള സര്‍പ്പത്തെ ഉണ്ടാക്കി വടിയില്‍ ഉയര്‍ത്തി നിര്‍ത്താന്‍ ദൈവം മോശയോടു കല്പ്പിച്ച സംഭവം ദിവ്യബലിമദ്ധ്യേ വായിക്കപ്പെട്ടത് അനുസ്മരിച്ച പാപ്പാ, തിന്‍മ യുടെ വശീകരണ ശക്തിയെക്കുറിച്ചു സൂചിപ്പിക്കു കയും സാത്താന്‍റെ ഈ വശീകരണശക്തി നമ്മെ നാശത്തിലേക്കാണ് നയിക്കുന്നതെന്ന് വിശദീകരിക്കുകയും ചെയ്തു. സഭാഭരണത്തിനും റോമന്‍ കൂരിയാ നവീകരണത്തിനും ആവശ്യമായ സഹായങ്ങള്‍ പാപ്പായ്ക്കേകുന്നതിനായി രൂപം നല്‍ക പ്പെട്ടിരിക്കുന്ന ഒമ്പതംഗ കര്‍ദ്ദിനാള്‍ സമിതിയിലെ എല്ലാ അംഗങ്ങളും ഈ ദിവ്യബലിയില്‍ സഹകാര്‍മ്മികരായിരുന്നു.Source: Vatican Radio
