News >> ദിവ്യബലിക്കിടെ വൈദികനുനേരെ വീണ്ടും ആക്രമണം
Source: Sunday Shalom
ജക്കാർത്ത: ഇന്തൊനേഷ്യയിലെ മേദാനിലുള്ള സെന്റ് ജോസഫ് ദൈവാലയത്തിൽ ഞായറാഴ്ച ദിവ്യബലിക്കിടെ സ്‌ഫോടകവസ്തുക്കൾ നിറച്ച ബാഗുമായി എത്തിയ യുവാവ് വൈദികനെ ആക്രമിച്ചു. ദിവ്യബലിക്കിടെ ആയുധങ്ങളുമായി അൾത്താരയിലേക്ക് ഓടിക്കയറിയ യുവാവ് കോടാലി ഉപയോഗിച്ച് വൈദികനെ ആക്രമിക്കുകയായിരുന്നു. കയ്യിലാണ് വൈദികന് പരിക്കേറ്റത്. വൈദികനെ ആക്രമിക്കാൻ തുനിഞ്ഞ യുവാവിനെ വിശ്വാസികൾ പിടികൂടി പോലീസിലേൽപ്പിച്ചു. ബാഗിലുണ്ടായിരുന്ന ബോംബ് പൊട്ടാത്തതുമൂലം വൻ ദുരന്തം ഒഴിവായി.
കത്തിക്കൊണ്ടിരുന്ന ബാഗുമായി അൾത്തായരയിലേക്ക് ഓടിക്കയറിയ 18 വയസോളം പ്രായമുള്ള യുവാവിന് തീവ്രവാദസംഘടനയുമായി ബന്ധമുണ്ടെന്ന് പോലീസ് വക്താവ് റിനാ സാരി ഗിന്റിംഗ് അറിയിച്ചു.
