News >> ഗർഭച്ഛിദ്രം വലിയ തിന്മ: മാർപാപ്പ
Source: Deepikaവത്തിക്കാൻസിറ്റി: നിരപരാധിയുടെ ജീവൻ ഒടുക്കുന്ന ഗർഭച്ഛിദ്രം വലിയ തിന്മയാണെന്നു ഫ്രാൻസിസ് മാർപാപ്പ ആവർത്തിച്ചു വ്യക്‌തമാക്കി. ദൈവവുമായി അനുരഞ്ജനത്തിനു ദാഹിക്കുന്ന അനുതാപമുള്ള ഹൃദയം ഉണ്ടെങ്കിൽ ദൈവകരുണയ്ക്ക് എത്താൻ കഴിയാത്തതും തുടച്ചുനീക്കാൻ സാധിക്കാത്തതുമായ ഒരു പാപവുമില്ലെന്നും മാർപാപ്പ ചൂണ്ടിക്കാട്ടി. ഗർഭച്ഛിദ്രം നടത്തിയവരുടെ പാപം മോചിക്കുന്നതിനുള്ള അധികാരം എല്ലാ വൈദികർക്കും നൽകുകയാണെന്നും മാർപാപ്പ കഴിഞ്ഞദിവസം പുറപ്പെടുവിച്ച അപ്പസ്തോലിക ലേഖനത്തിൽ വ്യക്‌തമാക്കി. കരുണയുടെ ജൂബിലിവർഷത്തിൽ കുമ്പസാരം കേൾക്കുന്ന എല്ലാ വൈദികർക്കും താത്കാലികമായി അനുവദിച്ചിരുന്ന ഈ അധികാരം ജൂബിലി അവസാനിച്ചശേഷവും നീട്ടി നൽകിയിരിക്കുകയാണ്.
