News >> ദേശീയ ദിവ്യകാരുണ്യ കോണ്‍ഗ്രസിനായി മുംബൈ ഒരുങ്ങുന്നു.
2015 നവംബര്‍ 12 മുതല്‍ 15 വരെ തിയതികളില്‍ മുബൈയിലെ ഗര്‍ഗാവോണിലുളള വിശുദ്ധ പത്താം പിയൂസിന്‍റെ നാമത്തിലുള്ള സെമിനാരിയുടെ ക്യാമ്പസ്സില്‍ അരങ്ങേറുന്ന ദേശീയ ദിവ്യകാരുണ്യ കോണ്‍ഗ്രസിനായി മുബൈ അതിരൂപത ഒരുങ്ങുന്നു. 'ക്രിസ്തുവിനാല്‍ പരിപോഷിതരാകുന്നവര്‍ മറ്റുള്ളവരെ പരിപോഷിപ്പിക്കും,' Nourished by Christ to Nourish Others... എന്നതാണ് മുമ്പൈ അതിരൂപതയില്‍ സംഘടിപ്പിക്കുന്ന ദേശീയ ദിവ്യകാരുണ്യ കോണ്‍ഗ്രസിന്‍റെ ആപ്തവാക്യം.1964 ഡിസംബറില്‍ മുബൈ നഗരം ആഘോഷിച്ച, വാഴ്ത്തപ്പെട്ട പോള്‍ 6-ാമന്‍ പാപ്പായുടെ ശ്രേഷ്ഠസാന്നിദ്ധ്യംകൊണ്ട് ധന്യമാക്കപ്പെട്ടതുമായ 38-ാമത് അന്തര്‍ദേശീയ ദിവ്യകാരുണ്യകോണ്‍ഗ്രസിന്‍റെ 50-ാം വാര്‍ഷികം അനുസ്മരിച്ചുകൊണ്ടാണ് ദേശീയ ദിവ്യകാരുണ്യ കോണ്‍ഗ്രസ് സംഘടിപ്പിക്കുന്നതെന്ന് കര്‍ദ്ദിനാള്‍ ഗ്രേഷ്യസ് വ്യക്തമാക്കി.ഭാരതത്തിലെ വിവിധ റീത്തുകളില്‍പ്പെട്ട 167 സഭാപ്രവിശ്യകളുടെയും തലവന്‍മാരും, 5000-ല്‍പ്പരം പ്രതിനിധികളും പേപ്പല്‍ പ്രതിനിധിയായി കൊളമ്പോ അതിരൂപദ്ധ്യക്ഷന്‍ കര്‍ദ്ദിനാള്‍ മാല്‍ക്കം രഞ്ചിത്തും പങ്കെടുക്കും.സമാപന ദിവസം ലഭിക്കുന്ന പാപ്പാ ഫ്രാന്‍സിസിന്‍റെ വീഡിയോ സന്ദേശവും മുബൈ ദിവ്യകാരുണ്യ കോണ്‍ഗ്രസ്സ് ആഘോഷങ്ങള്‍ പൂര്‍ണ്ണമാക്കുമെന്നും, കര്‍ദ്ദിനാള്‍ ഗ്രേഷ്യസ് പ്രസ്താവിച്ചു.Source: Vatican Radio
