News >> ദീപിക 129-ാം വാര്‍ഷികാഘോഷം ഇന്നു (28-02-2016) പാലായില്‍
പാലാ: ദീപികയുടെ 129-ാം വാര്‍ഷികാഘോഷം ഇന്നു വൈകുന്നേരം 4.30 ന് ളാലം സെന്റ് മേരീസ് പള്ളി പാരീഷ്ഹാളില്‍ നടക്കും. ദീപിക ഫ്രണ്ട്സ് ക്ളബ് നേതൃസംഗമം, ദീപിക എക്സലന്‍സ് അവാര്‍ഡ്ദാനം, ജൂബിലേറിയന്മാരായ ദീപിക ഏജന്റുമാര്‍, ഡിഎഫ്സി യൂണിറ്റുകള്‍, സ്പെഷല്‍ സ്കൂളുകള്‍, ജീവകാരുണ്യ പ്രവര്‍ത്തകര്‍ എന്നിവരെ ആദരിക്കല്‍, മെഗാഷോ എന്നിവയും നടക്കും.
പൊതുസമ്മേളനം ആഭ്യന്തരമന്ത്രി രമേശ് ചെന്നിത്തല ഉദ്ഘാടനം ചെയ്യും. പാലാ രൂപതാധ്യക്ഷന്‍ മാര്‍ ജോസഫ് കല്ലറങ്ങാട്ട് അധ്യക്ഷത വഹിക്കും. മുന്‍ ധനമന്ത്രി കെ.എം. മാണി മുഖ്യാതിഥിയായിരിക്കും. ദീപിക മാനേജിംഗ് ഡയറക്ടര്‍ റവ.ഡോ. മാണി പുതിയിടം സ്വാഗതം പറയും. ദീപിക ചീഫ് എഡിറ്റര്‍ ഫാ. ബോബി അലക്സ് മണ്ണംപ്ളാക്കല്‍ ദീപിക ചരിത്രം അനാവരണം ചെയ്യും. വനം-ഗതാഗതമന്ത്രി തിരുവഞ്ചൂര്‍ രാധാകൃഷ്ണന്‍ ഡിഎഫ്സി പ്രസിഡന്റുമാരെ ആദരിക്കും. എംപിമാരായ ജോസ് കെ. മാണി, ആന്റോ ആന്റണി, ജോയി ഏബ്രഹാം, പാലാ രൂപത പാസ്ററല്‍ കൌണ്‍സില്‍ ചെയര്‍മാന്‍ ഡോ. സിറിയക് തോമസ്, എംജി യൂണിവേഴ്സിറ്റി വൈസ് ചാന്‍സലര്‍ ഡോ. ബാബു സെബാസ്റ്യന്‍ എന്നിവര്‍ പ്രസംഗിക്കും.
രാഷ്ട്രദീപിക ഡയറക്ടര്‍മാരായ മോണ്‍. ജോസഫ് കുഴിഞ്ഞാലില്‍, ഫാ. അലക്സാണ്ടര്‍ പൈകട സിഎംഐ എന്നിവരും പാലാ നഗരസഭാധ്യക്ഷ ലീനാ സണ്ണി, ളാലം പഴയപള്ളി വികാരി റവ.ഡോ. സെബാസ്റ്യന്‍ ആലപ്പാട്ടുകുന്നേല്‍, പാലാ നഗരസഭ വൈസ് ചെയര്‍മാന്‍ കുര്യാക്കോസ് പടവന്‍, ളാലം ബ്ളോക്ക് പഞ്ചായത്ത് പ്രസിഡന്റ് ജോര്‍ജ് നടയത്ത്, എന്‍എസ്എസ് താലൂക്ക് യൂണിയന്‍ പ്രസിഡന്റ് സി.പി. ചന്ദ്രന്‍ നായര്‍ എന്നിവരും ആശംസാപ്രസംഗം നടത്തും. ദീപിക മാര്‍ക്കറ്റിംഗ് ജനറല്‍ മാനേജര്‍ കെ.സി. തോമസ് എക്സലന്റ് അവാര്‍ഡ് ജേതാക്കളെ പരിചയപ്പെടുത്തും. ദീപിക പാലാ രൂപത കോ-ഓര്‍ഡിനേറ്റര്‍ റവ.ഡോ. ജോസഫ് കടുപ്പില്‍ ഡിഎഫ്സി യൂണിറ്റുകളെ പരിചയപ്പെടുത്തും. തുടര്‍ന്ന് ജൂബിലിയേറിയന്മാരായ ദീപിക ഏജന്റുമാരെ ദീപിക അസി. ജനറല്‍ മാനേജര്‍ (സര്‍ക്കുലേഷന്‍) ജോസഫ് ഓലിക്കല്‍ പരിചയപ്പെടുത്തും. ഡെപ്യൂട്ടി മാനേജിംഗ് ഡയറക്ടര്‍ ഡോ. താര്‍സീസ് ജോസഫ് നന്ദി പറയും. തുടര്‍ന്ന് ചലച്ചിത്രതാരം കോട്ടയം നസീര്‍ അവതരിപ്പിക്കുന്ന മെഗാഷോ ജില്ലാ കളക്ടര്‍ യു.വി. ജോസ് ഉദ്ഘാടനം ചെയ്യും.
Source:Deepika
